کامران خمیسو خواجہ بدین پولیس کے مطابق گاؤں عرس ملاح میں نوجوان نے منشیات خریدنے کے پیسے نہ دینے پر اپنی ماں کو قتل کر دیا۔
پولیس کی مطابق نوجوان کرسٹل میتھ، جسے مقامی زبان میں ‘آئس’ کہا جاتا ہے، کا عادی تھا اور اس نے ماں سے پیسے طلب کیے۔ انکار پر کلہاڑی کے وار کر کے ماں کو قتل کر دیا۔
واقعے کی اطلاع ملنے پر مقامی افراد نے پولیس کو آگاہ کیا، جس کے بعد بدین پولیس کی بھاری نفری موقع پر پہنچی۔ پولیس نے ملزم کو آلہ قتل سمیت گرفتار کر لیا۔ واقعے کا مقدمہ مقتولہ کے بھائی کی مدعیت میں مقامی تھانے میں درج کر لیا گیا ہے۔
مقامی ذرائع کے مطابق زیریں سندھ کے اضلاع بدین، سجاول، ٹھٹھہ، ٹنڈو محمد خان اور حیدرآباد میں نوجوانوں میں منشیات کا استعمال تشویشناک حد تک بڑھ چکا ہے۔