سندھ کے ضلع سانگھڑ کے منڈ جمرائو یا ہیڈ جمڑاؤ کے مقام پر موجود برطانوی دور حکومت کا تقریباً سوا صدی قدیم پیپل کا درخت آج بھی اپنی تاریخی حیثیت برقرار رکھے ہوئے ہے۔
مقامی روایات کے مطابق یہ درخت برطانوی راج کے زمانے میں لگایا گیا تھا اور اس نے ایک صدی سے زائد عرصہ مختلف ادوار دیکھے ہیں۔ یہ درخت نہ صرف علاقے کی شناخت بن چکا ہے بلکہ ماضی کی یادوں کا امین بھی سمجھا جاتا ہے۔
برطانوی دور حکومت کے دوران درخت لگانے کی مہم کے دوران لگائے گئے بہت سے درخت موجود ہیں جن میں ایک پیپل کا درخت ہیڈ جمڑاؤ پر موجود ہے۔ ہیڈ جمڑاؤ پر لگے بورڈ کے مطابق 24 نومبر 1899 جمڑاؤ نہر کے افتتاح کے موقعہ پراس وقت کے بمبئی کے گورنر ولیم بیرن سینڈہرسٹ نے کیا۔ اس تقریب کے دوراب پیپل کا یہ درخت انہوں نے لگایا تھا۔
سماجی رہنما، صحافی اور محقق سردار بھیو نے ساگا ڈیجیتل سے گفتگو کرتے ہوئے کہا کہ برطانوی دور میں سرکاری اہلکار اور مسافر اس درخت کے سائے تلے آرام کیا کرتے تھے، جبکہ یہ مقام سماجی سرگرمیوں کا مرکز بھی رہا۔
ماہرین ماحولیات کے مطابق ایسے قدیمی درخت ماحول کے تحفظ، آکسیجن کی فراہمی اور حیاتیاتی توازن میں اہم کردار ادا کرتے ہیں۔
مقامی لوگوں کے مطابق اس تاریخی درخت کو سرکاری طور پر محفوظ ورثہ قرار دیا جائے تاکہ آنے والی نسلیں بھی اس تاریخی اور قدرتی اثاثے سے لطف اندوز ہو سکیں گی۔