امریکی صدر ڈونلڈ ٹرمپ نے کہا ہے کہ امریکہ جلد ہی ان تمام جہازوں کی ’ناکہ بندی‘ شروع کرے گا جو آبنائے ہرمز میں داخل ہونے یا وہاں سے نکلنے کی کوشش کریں گے۔
سماجی رابطے کی ویب سائیٹ ایکس پر پوسٹ میں امریکی صدر ڈونلڈ ٹرمپ نے لکھا: ‘ٹرمپ نے لکھا کہ اسلام آباد میں ملاقات اچھی رہی اور زیادہ تر نکات پر اتفاق ہو گیا۔ تاہم ایک نکتہ جو واقعی اہم تھا، نیوکلیئر، اس پر کوئی اتفاق نہیں ہو سکا۔’
انہوں نے کہا کہ فوری طور پر امریکی بحریہ، جو دنیا کی بہترین ہے، آبنائے ہرمز میں داخل ہونے یا نکلنے والے ہر جہاز کو روکنے کا عمل شروع کر دے گی۔
ٹرمپ نے مزید کہا کہ ایک وقت ہم ایسے مرحلے پر پہنچ جائیں گے جہاں سب کو اندر اور باہر جانے کی اجازت ہوگی، لیکن ایران نے ایسا نہیں ہونے دیا۔ انہوں نے کہا کہ ایران نے صرف یہ کہہ کر عالمی بھتہ خوری کی کہ کہیں باہر کوئی بارودی سرنگ ہو سکتی ہے، جس کے بارے میں کسی کو علم نہیں سوائے ان کے۔
امریکی صدر نے واضح کیا کہ ممالک کے رہنما، خاص طور پر امریکہ، کبھی بھی بھتہ خوری کا شکار نہیں ہوں گے۔ انہوں نے اپنی بحریہ کو ہدایت دی ہے کہ وہ بین الاقوامی پانیوں میں ہر اس جہاز کو تلاش کرے اور روکے جس نے ایران کو کوئی ٹول ادا کیا ہو۔ ان کا کہنا تھا کہ جو بھی غیر قانونی ٹول ادا کرے گا، اسے سمندروں میں محفوظ گزرگاہ نہیں ملے گی۔
ٹرمپ نے یہ بھی کہا کہ امریکہ ان بارودی سرنگوں کو تباہ کرنا شروع کر دے گا جو ایرانیوں نے آبناؤں میں بچھائی ہیں۔ انہوں نے سخت الفاظ میں کہا کہ کوئی بھی ایرانی جو امریکہ یا پرامن جہازوں پر فائر کرے گا، اسے اڑا دیا جائے گا۔ ان کے مطابق ایران خود بخوبی جانتا ہے کہ اس صورتحال کو کیسے ختم کرنا ہے، جس نے پہلے ہی ان کے ملک کو تباہ کر دیا ہے۔
انہوں نے دعویٰ کیا کہ ایران کی بحریہ ختم ہو چکی ہے، فضائیہ بھی ختم ہو چکی ہے، فضائی دفاع اور ریڈار بیکار ہو چکے ہیں۔ ٹرمپ نے کہا کہ خمینی اور ان کے بیشتر رہنما سب مر چکے ہیں اور یہ سب ایران کے نیوکلیئر عزائم کی وجہ سے ہوا۔
ٹرمپ نے اعلان کیا کہ ناکہ بندی جلد شروع ہو جائے گی اور دیگر ممالک بھی اس میں شامل ہوں گے۔ انہوں نے کہا کہ ایران کو اس غیر قانونی بھتہ خوری سے فائدہ اٹھانے کی اجازت نہیں دی جائے گی۔ ان کے مطابق ایران پیسہ چاہتا ہے اور اس سے بھی بڑھ کر نیوکلیئر ہتھیار چاہتا ہے۔
اپنے بیان کے آخر میں ٹرمپ نے کہا کہ ایک مناسب وقت پر امریکہ مکمل طور پر ‘لاکڈ اینڈ لوڈڈ’ ہے اور امریکی فوج ایران کا جو کچھ بھی باقی رہ گیا ہے اسے ختم کر دے گی۔
واضح رہے کہ یہ بیان سابق امریکی صدر ڈونلڈ جے ٹرمپ کے ذاتی سوشل میڈیا اکاؤنٹ سے جاری کیا گیا ہے، جس پر ابھی تک پاکستان یا ایران کی طرف سے کوئی سرکاری ردعمل سامنے نہیں آیا۔
