Tag: ورلڈ کپ

انٹرنیشنل کرکٹ کونسل کی جانب سے بنگلہ دیش کو ٹی ٹوئنٹی ورلڈ کپ سے باہر کرنے کے فیصلے کے بعد پاکستان میں بھی صورتحال پر سنجیدہ غور جاری ہے۔ ذرائع کے مطابق آئی سی سی کے رویے کو نامناسب قرار دیا جا رہا ہے۔

پاکستان کرکٹ بورڈ کے چیئرمین محسن نقوی آج وزیر اعظم شہباز شریف سے ملاقات کریں گے۔ ملاقات میں ورلڈ کپ میں پاکستان کی شرکت یا عدم شرکت سے متعلق رہنمائی لی جائے گی۔

ذرائع کا کہنا ہے کہ پاکستان مکمل طور پر ٹورنامنٹ سے دستبرداری کے آپشن پر بھی غور کر رہا ہے۔ اگر شرکت کا فیصلہ ہوا تو انڈیا کے خلاف میچ کھیلنے کے امکانات کم ہیں۔

بنگلہ دیش کے معاملے کے بعد کرکٹ حلقوں میں خدشات بڑھ گئے ہیں۔ صورتحال کا حتمی فیصلہ وزیر اعظم سے مشاورت کے بعد سامنے آنے کی توقع ہے۔

بنگلا دیش کرکٹ بورڈ نے انڈیا میں ٹی ٹوئنٹی ورلڈ کپ کے میچز کھیلنے سے صاف انکار کر دیا۔ سکیورٹی صورتحال پر شدید تحفظات کے بعد بنگلہ دیش کرکٹ بورڈ کا دوٹوک مؤقف سامنے آ گیا ہے کہ کھلاڑیوں کی جان کو خطرے میں ڈال کر کرکٹ نہیں کھیلی جائے گی۔

اتوار کو منعقد ہونے والے ہنگامی اجلاس میں بورڈ آف ڈائریکٹرز نے موجودہ حالات کو انتہائی سنگین قرار دیتے ہوئے فیصلہ کیا کہ بنگلہ دیش کی قومی ٹیم اس صورتحال میں انڈیا کا سفر ہرگز نہیں کرے گی۔

ذرائع کے مطابق بنگلہ دیش کرکٹ بورڈ نے انٹرنیشل کرکٹ کاؤنسل کو باضابطہ طور پر آگاہ کر دیا ہے کہ ICC Men’s T20 World Cup 2026 میں بنگلہ دیش کے تمام میچز انڈیا سے ہٹا کر کسی محفوظ اور غیر جانبدار مقام پر منتقل کیے جائیں، جن میں سری لنکا بھی شامل ہو سکتا ہے۔

بنگلہ دیش کرکٹ بورڈ کا سخت مؤقف ہے سکیورٹی پر کوئی سمجھوتہ نہیں ہوگا، حکومتی ہدایات کو نظرانداز نہیں کیا جا سکتا، فوری فیصلہ نہ آیا تو مزید سخت اقدامات کیے جا سکتے ہیں۔

بنگلہ دیش کرکٹ بورڈ نے واضح کر دیا ہے کہ اب فیصلہ آئی سی سی کو کرنا ہے۔