اگر آپ موٹر سائیکل چلاتے ہیں اور پیٹرول مہنگا ہونے پر پریشان ہیں تو خوش ہوجائیں سندھ حکومت نے آپ کو سبسیڈی دینے کا فیصلہ کیا ہے ۔۔۔۔ مگر آپ کو یہ رقم ملے گی کیسے ؟؟

‏

آئیے سندھ حکومت کی اس اسکیم پر نظر ڈالتے ہیں ۔۔۔

سندھ میں مجموعی طور پر 68 لاکھ موٹرسائیکل رجسٹرڈ ہیں جن کو ماہانہ دو ہزار روپے یعنی ہر ورکنگ ڈے ایک لیٹر پیٹرول کے حساب سے فی لیٹر ایک سو روپے سبسڈی دینے کا منصوبہ ہے۔

لیکن یہ رقم حاصل کرنے کے کئے کچھ دشوار گزار راستوں سے گزرنا پڑے گا ۔۔۔
اگر آپ کی موٹرسائیکل آپ کے نام پر رجسٹرڈ نہیں ہے تو پہلے اپنے نام کروا لیں ۔
پریشان نہ ہوں ۔۔ حکومت نے موٹرسائیکل رجسٹریشن اور ٹرانسفر کی مفت سہولت کا اعلان کردیا ہے

سندھ حکومت کے محکمہ ایکسائزنے موٹرسائیکل سبسڈی ایپ بنانا شروع کی ہے ۔
حکومت کا دعویٰ ہے چند دن میں یہ موبائل ایپلیکیشن تیار ہوگی ۔
یوں سمجھ لیں آپ گھر بیٹھے خود کو رجسٹر کروائیں گے

لیکن رکیں ۔۔
کیا آپ کا بینک اکائونٹ ہے ؟ نہیں تو فوری بینک اکاوئنٹ کھلوائیں اور موٹرسائیکل اپنے نام ضرور ٹرانسفر کروالیں
۔ اگر آپ کے نام سے ایک سے زائد موٹرسائیکل رجسٹرڈ ہیں تب بھی آپ کو ایک ہی موٹرسائیکل پر سبسڈی ملے گی ۔
اگر آپ کے نام سے موٹرسائیکل کے ساتھ کار بھی رجسٹرڈ ہے تو سبسڈی ملے گی یا نہیں ؟ اس کا فیصلہ ابھی نہیں ہوا
لگتا تو یہ ہے کہ ایسی صورت حال میں آپ کو صرف موٹرسائیکل کے لئے سبسڈی دی جائے گی ۔