بھارت کی ایک ہائی کورٹ کا یہ فیصلہ ان دنوں سوشل میڈیا پر زیر بحث ہے۔
بھارتی ریاست تلنگانہ کی ہائی کورٹ نے شادی کے وعدے سے پیچھے ہٹ جانے والے شخص کو بے گناہ قرار دے دیا۔
کہانی شروع ہوئی 2022 میں ایک خاتون نے پولیس کو شکایت کی کہ اس کے بوائے فرینڈ نے 2018 سے محبت کا جھانسہ دے کر اس کے ساتھ تعلق قائم رکھا۔
تقریباً پانچ سال جب خاتون نے شادی پر زور دیا تو بوائے فرینڈ نے انکار کر دیا۔ اکتوبر 2022 میں برادری کی پنچائیت کے دوران لڑکے نے شادی کی حامی بھر لی مگر بعد میں مکر گیا۔
لڑکی کی درخواست پر420 اور دیگر دفعات کے تحت پولیس نے کارروائی شروع کردی۔
عدالت نے اپنے فیصلے میں کہا کہ شکایت میں ایسی کوئی ٹھوس بات نہیں جو یہ ظاہر کرے کہ تعلق کے آغاز میں ہی ملزم کی نیت دھوکہ دینے کی تھی۔
اس کے برعکس، تعلق کی مدت اور نوعیت اس بات کی نشاندہی کرتی ہے کہ یہ ایک رضامندی کا تعلق تھا جو بعد میں ناکام ہو گیا۔
عدالت نے قرار دیا کہ دھوکہ دہی کا جرم ثابت کرنے کے لیے یہ ضروری ہے کہ ابتدا ہی سے دھوکہ دینے کی نیت موجود ہو۔ ‘شادی کے وعدے کی محض خلاف ورزی، اگر ابتدا میں دھوکہ دہی کی نیت ثابت نہ ہو، تو تعزیراتِ ہند کی دفعات 417 یا 420 کے تحت جرم نہیں بنتی۔’