دنیا کے امیر ترین خاندانوں کی تازہ فہرست جاری کر دی گئی ہے، جس نے عالمی سطح پر دولت اور طاقت کے توازن پر ایک بار پھر بحث چھیڑ دی ہے۔ اس فہرست کے مطابق عرب دنیا کی معاشی حیثیت نہ صرف برقرار ہے بلکہ مزید مضبوط ہو کر سامنے آئی ہے، کیوں کہ دنیا کے ٹاپ پانچ امیر ترین خاندانوں میں سے تین خاندانوں کا تعلق عرب ممالک سے ہے۔
سرفہرست چلا آ رہا ہے۔
تاہم اس فہرست میں سب سے زیادہ توجہ عرب دنیا کے طاقتور خاندانوں نے حاصل کی ہے۔ متحدہ عرب امارات کا ال نہیان خاندان، جو ابوظبی کی حکمرانی سے منسلک ہے، دنیا کے امیر ترین خاندانوں میں شامل ہے۔ اس خاندان کی دولت کا بڑا حصہ تیل، توانائی، عالمی سرمایہ کاری اور جدید کاروباری منصوبوں سے جڑا ہوا ہے۔
اسی طرح سعودی عرب کا شاہی خاندان آل سعود بھی اس فہرست میں نمایاں مقام رکھتا ہے۔ آل سعود خاندان نہ صرف تیل کے وسیع ذخائر کا مالک ہے بلکہ عالمی معیشت میں اس کی سرمایہ کاری، دفاعی معاہدے اور بڑے ترقیاتی منصوبے بھی اس دولت میں اہم کردار ادا کرتے ہیں۔
فہرست میں شامل ایک اور اہم نام قطر کا شاہی خاندان آل ثانی ہے، جو دنیا بھر میں قدرتی گیس، رئیل اسٹیٹ، اسپورٹس اور میڈیا کے شعبوں میں بھاری سرمایہ کاری کے باعث جانا جاتا ہے۔ قطر کی عالمی سطح پر بڑھتی ہوئی معاشی سرگرمیاں اس خاندان کی دولت میں مسلسل اضافہ کر رہی ہیں۔